Berfanbar

“wext dereng e
xew şîrîn, şi’îrîn
te xew divê, min bêdengî, li vî derengî
tu zû mezin bû, te zû hez kir ji axê
me’j xweliyê, li vî derengî...."

Ji Vir û Qamişlo *

                                                                             

 Pênûs di nava tiliyan de, kaxiza saya li ber min. Çav noqî dûr, dûr tibabekî. Mejî mişt mişt li min kumişiye, mejî deşo; ji his û geryana bi mij û moran a bûneweriyê, li dû “wez”ên bêwerz, li dû serencamên Binxetkirî. Li dora dûr û nêzê diherim û têm, lêbelê tu tişt li rû-pelê saya nayê xêzê.